طريقة تحضير وجبتين لرجيم الكيتو - الكيتو دايت - باستخدام البيض و الدجاج و الجبنة
مع الشيف عبير منسي - شاهد طريقة التحضير و مكونات الكيتو دايت
--
.الوصفة الاولى بانكيك بطحين جوز الهند
بنجيب كوب طحين جوز الهند
و بنضيف عليه ملعقة بايكنغ باودر
وبنخلطة منيح
بعدين بنجيب ٩ بيضات ....اي نعم ٩ بيضات....ما في داعي نستخدم كل الكمية بيوم واحد ممكن نعمل الوصفة على يومين
و بنضيف على البيض نصف كوب زيت جوز الهند
ونصف كوب كريمه طبخ
ونصف كوب ماء
ونصف كوب كريمه حامضة
و ربع كوب محلي صناعي
ونص ملعقة ملح
و ملعقة فانيلا
و بنضيف المكونات الجافة على المكونات الساءلة. و بنحرك الخليط لمدة ٣ دقاءئق
وبعدين على نار هادئة بنحط مقلاة او قطعة صاج متل هاي
و بنرش عليها مادة مضادة للالتصاق ولنبدأ بعمل البانكيك
بنحط مقدار ملعقة من الخليط و بنفردها شوي وبنستناى عليها من دقيقة لدقيقتين...و بعدين لما تستوي بنقلبها على الجهة التانية لمدة دقيقة و بعدين بنشيلها عن النار
و بنكرر العمليه هيك ليصير عنا صحن بانكيك
بنرش علية بودرة جوز الهند و بنحط قطعة زبده...واذا بدنا بنضيف قطر معمول بالمحلي الصناعي
--
الوصفة التانية ...كاسارولا الدجاج مع الجبنه
بوعاء كبير بنجيب مقدار كوب كريمه الطبخ
و بنضيف عليها كوب جبنه كريمية
و بنحرك هالمزيج كويس
بعدين بنضيف مقدار كيلو صدور دجاج مسلوق و مقطع و بنحرك
و بنضيف عليه نصف ملعقة ملح
نصف ملعقة كمون
نصف ملعقة فلفل اسود
نصف ملعقة ثوم مطحون
نصف ملعقة بصل مطحون
و بنحرك
بعدين بنضيف مقدار كوب بروكلي مسلوق و بنحرك
وبالأخص بنضيف كوب من جبنه الشيدار المبروشه
وبنحرك
و بنحط الخليط بالكاسارولا و ممكن نضيف عليه كمان جبنه اذا بتريدوا...و بنخليه على درجة حرارة ٢٠٠ لمدة ٣٠ دقيقة
--
التعليق ميشيل جبلي
تقديم الشيف عبير منسي
--
تابع أحدث وصفات إنقاص الوزن والطعام الصحي علي الفيس بوك : https://www.facebook.com/sweethandsvideos/?modal=admin_todo_tour
تابع جديد الشيف عبير منسي علي الإنستغرام :
https://www.instagram.com/sweet._.hands/
#كيتو_دايت #رجيم _الكيتو #وصفات_كيتو_دايت