گِرّ بستگ ماہ ءٙ کہ ۔۔۔۔۔ عالی میر ۔ Gerr bastag maha k .. Aali meer . Germany

لچّہ (گِرّ بستہ ماہ ءٙ کہ ۔۔۔۔ عالی میر گِر بستہ ماہ ءَکہ آزمان کبس ءَ انت پل پیٹ وارتہ استاراں کہ آزمان کبس ءَ انت لنککاں اڑینتین ءُ کوپگاں کتیں لونجان آزمان کبس ءَ انت چنڈاِت ایں وتی چادر کہ سنج کوپگاں شہم انت دیم پہ بالا رپتین ایں آزمان کبس ءَ انت دور درازیں ھنکین ے امن ءُ ایمنی بوتیں کؤرے دامنُے داشتیں گوں چار بانڈمیں کوہ ءَ شہمیں ریک دلے بوتیں لہتیں ساھگ درچکی اوں او بیرگ ءَ ببوتیں شپ روچ، درائیگ ءَ میئشت ایں شپ گوں رنگاں زیبائیں بِلے بند ماں کبس ءَ اَت گِرد کتیں کبس ءَ را ایوکی ءَ نِشتین ایں من ببوتیناں او بس کبس گوں آزمان ءَ بے توار ءُ بے ترک ءَ من بوج اِت ایں کبس ءِ دپ ریک دلے ماں تالینت ایں نوں کتیں پہ وڈ زیارت اے گؤر ءُ ما آ دیما جمبرانی شینک داتیں گوں ہپت ءُ ہشت استاراں ماہ وڑی ءَ نادینت ایں کلکشان یک سیڈا یک گؤری ءَ سنج داتیں او ماہ چاردھی بوتیں اُھف کہ چونیں زیبائی من ،ھدا ءُ آزمانیں! سئے ءُ چار درچک انت ءُ نشتگ انت ماں سر شاہاں مُرگ سئے ایں درچکانی شونز ءُ سبز ءُ سُہریناں چینچو وش ءُ زیبداراں ماں میاناں کوھانی جلوہانی مُلمہ بو دل منی مہ گُڑ ھچبر چونیں زیدے ڈولداریں چونیں کؤشے وش نودیں عکس ھیالاں میلانک انت دل منی اُبینگ شُت روچ بیرگ ءَ شنگ اِت مُرگاں درچک ویران کت کوہ دلوتاں چَرتاں چم مے واب ءَ پچ بوتاں کہ آزمان درنگیں میر دل منی کبس ءَ انت lacha (poem) writter : Aali meer Voice : Nisar yousuf . presented by Balochi maragish baam shuben . 18, september , 2021 #balochipoetry #aalimeer #baamshuben

Category